Janmon janmon se murjhaaye is dil ko jab ehsaas huaa prem ke sparsh kaa.
Tab yugon yugon se pyaasee is dharaa ko milaa saath gagan kaa.
Haqiqat hai ye, nahi koi khilkhilata khwab kal kaa.
Khooshboo thi kaliyon ki aur pyaar thaa saawan kaa.
Chehre par nikharee aabhaa ban baithee darpan mere laawany kaa.
Aankhon mein chhipee hayaa ban baithee kaajal mere yaovan kaa.
Khanaktee choodiyaan ban baithee dushman mere yaovan ka.
Pyaar ki choonar mujhse aakar lipat gayee aur dhalak gayaa daaman aanchal ka.
Hothon par sajee laalee ban baithee muskaan mere piyaa ki.
Pairon ki paayal ban baithee piyaa ke dil ki dhadkan.
Haathon ki mehandee ban gayi dulaar mere saajan kaa.
Maathe par sajee bindiyaa ne to piyaa ke hosh hi udaa diye.
Kaan ke jhoomke mein piyaa kaa dil hi atak gayaa.
Baalon mein lage gajare ne to piyaa ko madhosh hi kar diya.
Kaisee thee wo pahalee mulaakaat,
jisme man thaa pyaar se rangaa.
Paate hi prem kaa sparsh ,main dil ban gayee saajan kaa,
main dil ban gayee saajan kaa, main dil ban gayee saajan kaa.
Post Title
→Prem Kaa Sparsh
Post URL
→https://all-world-of-the-world.blogspot.com/2010/08/prem-kaa-sparsh.html
Visit World Of The World for Daily Updated Wedding Dresses Collection
No comments:
Post a Comment